كێشه‌ی سه‌ره‌كی تاكی ئێمه قه‌ڵه‌ویه‌وه به تایبه‌تیش هه‌بوونی ورگه، ئه‌م كێشه‌ییه‌ش وا له تاك ده‌كات به‌رده‌وام بیر له ڕێچاره‌یه‌ك بكاته‌وه تا چه‌وری ورگی بتوێنێته‌وه و له‌و زیاده كێشه ڕزگاری ببێت، چونكه ئه‌و زیاده كێشه كۆمه‌ڵێك گرفتی ته‌ندروستی و ده‌رونی و ته‌نانه‌ت كۆمه‌ڵایه‌تیش بۆ ئه‌و كه‌سه دروست ده‌كات كه ورگی هه‌یه و كێشی زیاده.
لێره‌دا مه‌به‌ستمانه كۆمه‌ڵه هۆكارێك بخه‌ینه ڕوو كه ده‌بنه هۆكاری ئه‌وه‌ی ورگ دروست ببێت:
- به‌یه‌كه‌وه خواردنی برینج و نان له شه‌واندا، خواردنی برینج و نان به‌یه‌كه‌وه له ژه‌می ئێواره‌دا هه‌ڵه‌یه، چونكه شه‌وانه مرۆڤ كه‌م جوڵه ده‌كات، به‌مه‌ش چه‌وری و كاربۆهیدراته‌كه كۆ ده‌بێته‌وه و ناسووتێت، ئه‌مه‌ش ده‌بێته هۆی كه‌ڵكه‌بوونی چه‌وری له ناوچه‌ی سكدا و ورگ دروست ده‌كات.
- نه‌خواردنی یان كه‌مخواردنی نانی به‌یانی.
- خواردنی ماینوز و شه‌كر و خواردنه‌وه گازییه‌كان.
- خواردنه‌وه‌ی مه‌ی (مه‌شروب) و ماده كحولییه‌كان.
- كه‌مخه‌وی و سترێس.
- زۆر خواردن و كه‌م جوڵان و خه‌وتن له‌سه‌ر نان خواردن.
- وه‌رزش نه‌كردن و پیاده ڕه‌وی نه‌كردن.
- زۆر خواردنی فاست فوود.
به شێوه‌یه‌كی گشتی ناڕێكی له سیستمی خۆراك و نه‌خواردن یان كه‌مخواردنی سه‌وزه له‌گه‌ڵ ژه‌مه‌كان و كه‌مخواردنی میوه و كه‌م ئاوخواردنه‌وه هۆكارن بۆ گه‌وره‌بوونی ورگ و زیابوونی كێشی جه‌سته.
سه‌رچاوه/ زانیاری ته‌ندروستی
کۆمێنت (0)
تا ئێستا هیچ کۆمێنتێک نەکراوە.