ده‌رهێنه‌رێكی مێرمنداڵی كوردی ئێران به دوو كورته فیلم به‌شداری له سێیه‌مین خولی فێستیڤاڵی فیلادێلفیا له وڵاتی ئه‌مریكا ده‌كات .
ژیوار فه‌ره‌ج زاده‌ی ته‌مه‌ن 12 ساڵه‌ی كوردی ئێران به هه‌ردوو كورته فیلمی " سه‌رۆك و چۆله‌كه‌كانی كۆڵانه‌كان " له سێهەمین فێستیڤاڵی "Philadelphia Environmental Film Festival" فیلادێلفیای ئەمریکا به‌شدار ده‌بێت كه له رۆژانی 5 بۆ 7ی مانكی ئێپریل ئه‌مسال له شاری فیلادێلفیا بەڕێوە دەچێت .
ئه‌م مێرمنداڵه كورده له فیلمی " چۆلەکەکانی کۆڵانەکەمان " كه ماوه‌كه‌ی ته‌نیا 90 چركه‌یه ، هەوڵی داوە ژیانی ئاشتیانە و پێکەوە سازانی چۆلەکەکانی سەر گوێسوانەی ماڵەکەیان تۆمار بکات ، ئەم کورتە فیلمە یەکەمین بەرهەمی ژیوار فەرەج زادەیە کە لە زستانی ساڵی ١٣٩٥ بەرهەم هێنراوە.
ژیوار فەرەج زادە، ئەندامی ١٢ ساڵانەی ناوەندی فەرهەنگی هونەریی کانونی پەروەرشی فکری منداڵان و مێرمنداڵانی شاری ساحب لە پارێزگای کوردستانە.
کۆمێنت (0)
تا ئێستا هیچ کۆمێنتێک نەکراوە.