بەشیر حەداد، جێگری سەرۆكی ئەنجوومەنی نوێنەرانی عێراق رایگەیاند: یاسای بودجەی گشتیی عێراق لە رۆژنامەی فەرمیی وەقائیعی عێراقی ژمارە 4529 بڵاوكرایەوە.
هەر لەو رۆژەوە ئەم یاسایە دەچێتە بواری جێبەجێكردنەوە، له ئێستاشدا هیچ رێگریەكی یاسایی نەماوە و وەزارەتی دارایی داوای لە هەموو پارێزگاكان و هەرێمی كوردستان كردووە سەردانی وەزارەتی دارایی بكەن بۆ خەرجكردنی بودجە و مووچەی ساڵی 2019.
هەروەها بۆ دابینكردنی پارەی جووتیارانی هەرێمی كوردستانیش هەوڵەكانی ئێمە بەردەوامن و پارەی ساڵانی رابردوو كە نەدراوە، هەمووی خەرج دەكرێت.
ئاماژه‌ی به‌وه‌شدا كه له چه‌ند رۆژی داهاتوو مووچه‌ی دوو مانگی سه‌ره‌تایی ئه‌مساڵ بۆ هه‌رێمی كوردستان خه‌رج ده‌كرێت و وه مووچه‌ی مانگه‌كانی داهاتووش له كاتی خۆیدا خه‌رج ده‌كرێت.
کۆمێنت (0)
تا ئێستا هیچ کۆمێنتێک نەکراوە.