محه‌مه‌د جواد ئازه‌ری جه‌هرومی وه‌زیری گه‌یاندن و ته‌كنه‌لۆژیای زانیاریی ئێران شه‌وی رابردوو هه‌واڵی گیان له‌ده‌ستدانی سێ زانای بواری ته‌كنۆلۆژیای گه‌ردوونیی وڵاته‌كه‌ی به هۆی ئاگركه‌وتنه‌وه راگه‌یاند.
ئه‌م وه‌زیره ئێرانییه له كۆبوونه‌وه‌یه‌كی رۆژنامه‌وانیدا رایگه‌یاند: رووداوێكی ئاگركه‌وتنه‌وه له سه‌نته‌ری توێژینه‌وه‌كانی گه‌ردوونیی ئێراندا روویداوه و سێ زانای ئه‌م سه‌نته‌ره گیانی خۆیان له‌ده‌ستداوه.
ئازه‌ری جه‌هرومی هۆكاری گیان له‌ده‌ستدانی ئه‌و سێ كه‌سه بۆ ئه‌وه ده‌گه‌ڕێنێته‌وه كه به هۆی به‌ڕێوه‌چوونی رێوڕه‌سمێك و قه‌ره‌باڵغییه‌كی زۆر له شوێنه‌كه هیچكه‌س ئاگای له‌وه نه‌بووه ئاگر هه‌ڵگیرساوه و ئه‌و سێ كه‌سه‌ش كه له‌وێ سه‌رقاڵی كاره‌كانیان بوون نه‌یانتوانیوه خۆیان رزگار بكه‌ن.
مه‌سعود / كوردستان تی ڤی
سه‌رچاوه/ عه‌ره‌بییه
کۆمێنت (0)
تا ئێستا هیچ کۆمێنتێک نەکراوە.