له ئاكامی ھێرشێك كه كرایه سه‌ر بنكه‌یه‌كی ھێزه‌كانی به‌سیج له باشووری رۆژھه‌ڵاتی ئێران، پێنج كه‌س كوژراون و برینداربوون.
كه‌ناڵی فه‌رمی ئێرانی بڵاویكرده‌وه كه ھێرشه‌كه له شاری نیكشه‌ھر سه‌ربه پارێزگای سیستان- بلوچستان بۆ سه‌ر بنكه‌یه‌كی ھێزه‌كانی به‌سیج ئه‌نجامدراوه.
به‌پێی كه‌ناڵه‌كه له ئاكامی ھێرشه‌كه‌دا، كه‌سێك كوژراوه و چواری دیكه‌ش برینداربوون.
ھاوكات ئاژانسی ھه‌واڵیی "ئیرنا"بڵاویكرده‌وه، فه‌رمانده‌یی فه‌یلقی قودس سه‌ربه سوپای پاسداران، ھێرشه‌كه‌ی به تیرۆریستی له‌قه‌ڵه‌مداوه و رایگه‌یاندووه كه ھێرشه‌كه له لایه‌ن ژماره‌یه‌ك تیرۆریسته‌وه ئه‌نجامدراوه، بێ ئه‌وه‌ی زانیاری زیاتر له‌وباره‌وه بخاته‌ڕوو.
به‌سیج ھێزێكی نیچمه سه‌ربازییه سه‌ربه سوپای پاسدارانی ئێران.
کۆمێنت (0)
تا ئێستا هیچ کۆمێنتێک نەکراوە.