تۆژینه‌وه‌یه‌كی زانستی ده‌ریخست، ئه‌نجامدانی راهێنانه وه‌رزشییه‌كان هاوشێوه‌ی ده‌رمان گوشاری خوێن داده‌به‌زێنێ.
تۆژه‌ران داتاكانی نزیكه‌ی 400 تاقیكردنه‌وه‌ی هه‌ڕه‌مه‌كیان كۆكرده‌وه كه كاریگه‌رییه‌كانی ده‌رمانه‌كانی دابه‌زاندنی گوشاری خوێن و وه‌رزشكردنیان له‌سه‌ر دابه‌زاندنی گوشاری خوێن هه‌ڵده‌سه‌نگاند، له ئه‌نجامدا بۆیان ده‌ركه‌وت كه ده‌رمانه‌كان و وه‌رزش نزیكه‌ی 9 میلیمه‌تر جیوه گوشاری خوێنی ئه‌و كه‌سانه‌یان دابه‌زاند كه دووچاری به‌رزبوونه‌وه‌ی گوشاری خوێن ببوون.
تۆژه‌ری سه‌ره‌كی ئه‌م تۆژینه‌وه، حوسێن ناجی كه تۆژه‌ری رێوشوێنه ته‌ندروستییه‌كانه له كۆلیجی له‌نده‌ن بۆ ئابووری و ته‌ندروستی له شانشینی یه‌كگرتوو له‌م باره‌یه‌وه وتی: "واپێده‌چێ راهێنانه وه‌رزشییه‌كان هه‌مان كاریگه‌ریی ده‌رمانه‌كانی دابه‌زاندنی گوشاری خوێنیان هه‌بێ بۆ ئه‌و كه‌سانه‌ی كه دووچاری به‌رزبوونه‌وه‌ی گوشاری خوێن هاتوون و ده‌رمان به‌كاردێنن بۆ دابه‌زاندنی گوشاری خوێن".
سه‌رچاوه/ دژه‌تیرۆری كوردستان
كوردستان تیڤی / كامران
کۆمێنت (0)
تا ئێستا هیچ کۆمێنتێک نەکراوە.