له ئه‌نجامی ھه‌ره‌سھێنانی به‌فر له شارۆچكه‌ی شه‌مزینان سه‌ر به پارێزگای ھه‌كاری وڵاتی توركیا، سه‌ربازێك گیانی له‌ده‌ستدا و یه‌كێكی دیكه برینداربوو.
به‌پێی ئه‌و زانیاریانه‌ی له سه‌رچاوه‌كانی ئه‌منی وه‌رگیراون، ژماره‌یه‌ك سه‌ربازی سوپای توركیا به‌مه‌ستی چاره‌سه‌ركردنی كێشه له كۆگایه‌كی ئاو له بنكه‌ی سه‌ربازیی میرگه‌ساڤ، به‌ڕێكه‌وتن و له رێگاشدا به‌فر ھه‌ره‌سی ھێناوه و به‌وهۆیه‌وه دوو سه‌رباز برینداربوون و ده‌ستبه‌جێ به ھێلیكپۆته‌ری سه‌ربازیی ره‌وانه‌ی نه‌خۆشخانه‌ی گشتی یوكسه‌كۆڤا كران.
وێڕای هه‌وڵه‌كان بۆ رزگاركردنی گیانی سه‌ربازه‌كان، یه‌كێكیان گیانی له‌ده‌ستدا و چاره‌سه‌ری سه‌ربازه‌كه‌ی دیكه‌ش به‌رده‌وامه.
کۆمێنت (0)
تا ئێستا هیچ کۆمێنتێک نەکراوە.