هەمیشە پیاوان ترسیان هەیە لە تووشبوون بە شێرپەنجەی پرۆستات، سەرباری ترسەكانیان زۆرینەی پیاوان زانیاری زۆریان لەبارەی ئەم نەخۆشیە و چۆنیەتی خۆپاراستن نیە.
هەرچەندە تائێستا هۆكاری سەرەكی تووشبوون بەشێرپەنجەی پرۆستات دیار نیە، بەڵام هەندێك هۆكار هەیە كەرێژەی تووشبوون بەم نەخۆشیە زیاد دەكات وەك هۆكاری بۆماوەیی و شێوازی سیستمی خۆراك، قەڵەوی و كێشی زیاد و زیادبوونی رێژەی هۆرمۆنی تستوستیرون و لەدوای تەمەنی پەنجا ساڵیەوە رێژەی تووشبوون زیاد دەبێت.
زۆرێك لەبەڵگە و لێكۆڵینەوە زانستیەكان هەیە كەسیستمی خۆراكی لەگەڵ گرتنەبەری شێوازی ژیانی تەندروست رۆڵیكی گرنگی هەیە لەكەمكردنەوەی تووشبوون بە شێرپەنجەی پرۆستات، ئەمانەش چەند رێوشوێنێكی خۆپاراستنن:
* خواردنی تەماتە و شووتی: دەوڵەمەندن بەمادەی لیكوبینی دژە ئۆكسان و دەركەوتووە ئەو پیاوانەی ئەم جۆرە بەروبومانە دەخۆن رێژەی تووشبوونیان بە شێرپەنجەی پرۆستات كەم بۆتەوە.
* میوە و سەوزەوات: بەكارهێنانی لەخۆراكی رۆژانە چونكە دەوڵەمەندن بە ڤیتامین و كانزا جیاوازەكان و ئەوانیش تووشبوون بەشێرپەنجە كەمدەكەنەوە.
* خواردنی ماسی: مادەی ئۆمیگا 3 كەلەناو ماسیدا هەیە رۆڵی هەیە لەكەمكردنەوەی تووشبوون بەشێرپەنجەی پرۆستات.
* خواردنی سۆیا: مادەی ئایسوفلافونی تێدایە و یارمەتیدەرە بۆ كەمكردنەوەی مەترسی تووشبوون بەشێرپەنجەی پرۆستات، ئەو مادەیە لەچای سەوزدا هەیە.
* خواردنەوەی قاوە: زۆرینەی لێكۆڵینەوەكان دەریان خستووە خواردنەوەی قاوە رێژەی تووشبوونی شێرپەنجەی پرۆستات لە11% كەمدەكاتەوە.
* وەرزشكردن: زیادبوونی كێش و قەڵەوبوون دەبێتە هۆی كۆبونەوەی چەوری لەناوچەی كەمەر و زیادبوونی مەترسی تووشبوون بەشێرپەنجەی پرۆستات.
* دووركەوتنەوە لە هەندێك خواردن: خواردنی گۆشتی سوور و گۆشتی ئامادەكراو و شیری پڕچەوری، چونكە دەبێتە هۆی زیادبوونی تووشبوون بەشێرپەنجەی پرۆستات.
* چەوری تێر: بەپێی لێكۆڵینەوەكان ئەم مادەیە پەیوەندی هەیە بەبەرزبوونەوەی مەترسی تووشبوون بەنەخۆشیەكانی دڵ و شێرپەنجەی پرۆستات.
* دووركەوتنەوە لە جگەرە كێشان: جگەرەكێشان پەیوەندی هەیە بەزۆرێك لەنەخۆشی و كێشە تەندروستیەكان و تووشبوون بەشێرپەنجە بەهەمووی جۆرەكانیەوە.
سه‌رچاوه - تەندروستی سلێمانی
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.