غۆڵام عه‌لی خۆشرۆ ، نوێنه‌ری ئێران له نه‌ته‌وه یه‌كگرتووه‌كان له په‌یامێكدا كه ئاراسته‌ی سكرتێری گشتیی نه‌ته‌وه یه‌كگرتووه‌كان ئه‌نتۆنیۆ گۆته‌رێس و ئه‌نجوومه‌نی ئاسایشی نێوده‌وڵه‌تی كردووه، سعوودیه‌ی به به‌رپرسیار له هێرشه تیرۆریستییه‌كه‌ی شاری ئه‌هواز له قه‌ڵه‌م داوه.
خۆشڕۆ تۆمه‌تی ئه‌وه‌ی خستۆته پاڵ سعوودیه كه پشتیوانی گرووپه تیرۆریستییه‌كان له ئێران ده‌كات و نووسیوویه‌تی: "به‌ڵگه‌ی ته‌واو له‌به‌رده‌ستن كه سعوودیه پلانی رووخێنه‌ری هه‌یه له دژی ئاسایش و ئابووری ئێران".
ناوبراو بانگه‌شه‌ی ئه‌وه‌ی كردووه كه سعوودیه پشتگیری ئه‌و هێرشانه‌یشی كردووه كه له ٢٢ی ئه‌یلوول له ئه‌هواز و له ٧ی حوزه‌یران له تاران ئه‌نجام دران. ئاماژه‌ی به‌وه‌ش داوه كه سعوودیه له یه‌مه‌ن نه‌خۆشخانه، قوتابخانه، شوێنه‌واره مێژووییه‌كان ده‌كاته ئامانج و به‌مجۆره "تاوانی سیسته‌ماتیك ئه‌نجام ده‌دات" و ناسه‌قامگیری ده‌خاته ناوچه‌كه.
کۆمێنت (0)
تا ئێستا هیچ کۆمێنتێک نەکراوە.