هه‌موومان ده‌زانین خوێندنه‌وه سودێكی زۆری بۆ مرۆڤ هه‌یه ، بەڵام زانست سەلـماندویەتی خوێندنەوە بەسوودە بۆ تەندروستی و دەبێتە هۆی كەمكردنەوەی مەترسی تووشبوون بەچەندین نەخۆشی كە هەڕەشە لەژیانی مرۆڤ دەكات .
بەپێی لێكۆڵینەوەیەكی نوێ كە لە لایەن زانایانی زانكۆی بیڵی ئەمریكی ئەنجام دراوە، دەركەوتووە خوێندنەوە سوودێكی زۆری بۆ تەندروستی مرۆڤ هەیەو دەبێتە هۆی درێژبوونی تەمەن و كەمكردنەوەی نیگەرانی بەرێژەی لە (68%) و هێوركردنەوەی كۆئەندامی دەمارو پارێزگاری كردن لە توانای بیركردنەوە.
لەو لێكۆڵینەوەیەدا زانایان بۆیان دەركەوتووە، خوێندنەوە دەبێتە هۆی خۆپاراستن لەچەندین نەخۆشی كەتووشی كۆئەندامی دەمار دەبێتەوەو یارمەتیدەرە بۆ كەمكردنەوەی جەڵتەی دڵ و مێشك.
بەپێی لێكۆڵینەوەكە ئەو بەساڵاچووانەوەی بەردەوامن لەخوێندنەوە توانای بیركردنەوەیان بەباشی دەمێنێتەوەو ئەو كەسانەی رۆژانە بۆ ماوەی نیو كاتژمێر دەخوێننەوە كەمتر رووبەڕووی مردن دەبنەوە بەرێژەی لە (23%) بەراورد بەكەسانی دیكە.
کۆمێنت (0)
تا ئێستا هیچ کۆمێنتێک نەکراوە.