مه‌ترسی حه‌بی (فشاری خوێن) بزانه‌

له‌ لێكۆڵینه‌وه‌یه‌كی به‌ریتانیدا مه‌ترسی جۆره‌ حه‌بێكی فشاری خوێن ئاشكرا ده‌كات كه‌ رۆژانه‌ به‌ ملیۆنه‌ها كه‌س ئه‌و جۆره‌ حه‌به‌ ده‌خۆن.

ئه‌نجامی ئه‌و لێكۆڵینه‌وه‌ نوێیه‌ كه‌ له‌سه‌ر نزیكه‌ی ملیۆن كه‌س ئه‌نجام دراوه‌  ده‌ری خستووه‌ ، كه‌ حه‌بی( ACE Inhibibtors)  ده‌بێت هۆی ئه‌وه‌ی مرۆڤ تووشی نه‌خۆشی شێرپه‌نجه‌ی سییه‌كان بێت .

به‌ پێی ئه‌و لێكۆلینه‌وه‌ ده‌ركه‌وتووه‌ ئه‌و كه‌سانه‌ی بۆماوه‌ی (10) ساڵ ئه‌و حه‌بیان خواردوه‌ له‌31% تووشی نه‌خۆشی  شێرپه‌نجه‌ی سییه‌كان بوون، هه‌ر له‌و لێكۆڵینه‌وه‌دا هاتووه‌  ئه‌وانه‌ی بۆماوه‌ی (5) ساڵان ئه‌و جۆره‌ حه‌به‌ ده‌خۆن 12% تووشی ئه‌م نه‌خۆشه‌ بوون.

بۆیه‌ لێكۆله‌وه‌ران ده‌ڵێن: تاده‌كرێت خورادنی ئه‌م جۆره‌ حه‌به‌ كه‌م بكرێته‌وه‌ به‌ جۆرێك به‌به‌رده‌وامی نه‌خۆیت.

   سه‌رچاوه‌/ گلگامێش

كوردستان تیڤی/ كامران