گۆران ڕه‌ئووف نووسه‌ری ناسراوی كورد، نوێترین كتێبی به ناوی "وشه‌كانیش بریندارن" له به‌رگێكی قه‌شه‌نگدا له دووتوێی 130 لاپه‌ڕه بڵاو كرده‌وه.
ناوه‌رۆكی كتێبه‌كه كۆمه‌ڵه شیعرێك له‌خۆ ده‌گرێت، ماڵی وه‌فایی كاری چاپ و بڵاوكردنه‌وه‌یان له ئه‌ستۆ گرتووه.
سه‌رجه‌م شیعره‌كان له ڕووی ته‌كنیك، زمان، فه‌زا، جیهانبینی و كه‌ره‌سته‌ی شیعرییه‌وه هه‌ڵێنجراوی ئه‌م زه‌مه‌نه‌ن، زه‌مه‌نێك كه بۆنی جه‌نگ و ته‌نیایی و برین و پارچه پارچه‌بوونی ڕۆحی مرۆڤی لێ دێت.
گۆران ڕه‌ئووف خاوه‌نی چه‌ندین كتێبه وه‌كو: ڕاستییه درۆزنه‌كان_ ڕۆمان 2009، عه‌شق نائومێدییه‌كی خۆشه_ شیعر 2013، خانه‌ی ڕۆنان، قه‌فه‌زێك له ناخی باڵنده‌یه‌كدا_ چیرۆك 2016.
كوردستان تیڤی/ كامران
کۆمێنت (0)
تا ئێستا هیچ کۆمێنتێک نەکراوە.