نوێكراوه‌ته‌وه ..
گوته‌بێژی سوپای پاسدارانی ئێران، رایده‌گه‌ێنێت، ئه‌نجامده‌ری هێرشه‌كه‌ی سه‌ر رێوڕه‌سمه سه‌ربازییه‌كه‌ی شاری ئه‌هواز، رێكخراوی ئه‌لئه‌حوازییه بووه،به پێی دوایین ئاماریش له هێرشه‌كه 10 سه‌رباز كوژران و 21 كه‌سی دیكه‌ش برینداربوون.
ره‌مه‌زان شه‌ریف، گوته‌بێژی سوپای پاسدارانی ئێران، به ئاژانسی هه‌واڵی ISNAی رایگه‌یاندووه: ئه‌نجامده‌ری هێرشی سه‌ر رێوڕه‌سمه سه‌ربازییه‌كه‌ی شاری ئه‌هواز كه به‌بۆنه‌ی ساڵوه‌گه‌ڕی جه‌نگی ئێران-عێراقه‌وه به‌ڕێوه‌ده‌چوو، رێكخراوی ئه‌لئه‌حوازییه بووه.
ناوبراو بانگه‌شه‌ی ئه‌وه‌ی كرد كه ئه‌و رێكخراوه له‌لایه‌ن سعوودیه‌وه پشتگیری ده‌كرێت.
به‌ره‌ی دیموكراتی گه‌لی ئه‌حواز كه به ئه‌لئه‌حوازییه به‌ناوبانگه، به‌وه ناسراوه رێكخراوێكی جوداخوازه و ده‌یه‌وێت ئیداره‌یه‌كی عه‌ره‌بی له ناوچه عه‌ره‌بنشینه‌كانی باشووری رۆژئاوای ئێران دابمه‌زرێنێت.
به پێی دوایین ئاماریش له هێرشه‌كه 10 سه‌رباز كوژران و 21 كه‌سی دیكه‌ش برینداربوون.
کۆمێنت (0)
تا ئێستا هیچ کۆمێنتێک نەکراوە.