ملازم محه‌مه‌د خه‌ڵه‌ف، ئه‌فسه‌ر له فه‌رمانده‌یی ئۆپه‌راسیۆنه‌كانی به‌سره، به ئانادۆڵوی رایگه‌یاندووه: جارێكی دیكه ھێزه‌كانی سوپا و پۆلیسی ناوخۆ له سه‌رجه‌م ناوچه‌كانی به‌سره بڵاوبوونه‌ته‌وه كه به‌شێكیان له میانی خۆپیشاندانه‌كانی چه‌ند رۆژی رابردوو له‌و ناوچانه كشابوونه‌وه.
له باره‌ی ره‌وشی شاره‌كه‌ش گوتی: له‌ئێستادا تا راده‌یه‌ك ره‌وشه‌كه له به‌سره ھێوربووه‌ته‌وه، به‌ڵام ھێزه ئه‌منییه‌كان به وردی چاودێری ره‌وشه‌كه ده‌كه‌ن، له‌وه‌ی تا چه‌ند خۆپیشانده‌ران پابه‌ندی رێنماییه‌كانی تایبه‌ت به ھێرشنه‌كردنه سه‌ر ماڵ و موڵكی گشتی ده‌بن.
له میانی خۆپیشاندانه‌كانی دوو رۆژی رابردوو له به‌سره، خۆپیشانده‌ران باڵه‌خانه‌ی كۆنسولخانه‌ی ئێران و ژماره‌یه‌ك باڵه‌خانه‌ی حكوومی، ھه‌روه‌ھا باره‌گاكانی رێكخراوی به‌در، عه‌سائیب ئه‌ھلی حه‌ق ـ یان سووتاند.
له خۆپیشاندانه‌كانی شاری به‌سره كه له نۆی مانگی ته‌مووزی رابردووه ده‌ستیپێكردووه تا ئه‌مڕۆ، ٣٣ خۆپیشانده‌ر كوژراون.
کۆمێنت (0)
تا ئێستا هیچ کۆمێنتێک نەکراوە.