له كه‌ناراوه‌كانی دیكیلی ئیزمیر و شارۆچكه‌ی چه‌شمه، 48 كۆچبه‌ری نایاسایی رزگاركران كه مه‌ترسی خنكانیان له‌سه‌ربوو.
دوای ئه‌وه‌ی تیمه‌كانی فه‌رمانده‌یی ئاسایشی كه‌نارده‌ریا زانیاریان به‌ده‌ست گه‌یشت كه له كه‌نداوی ئیڵدری چه‌شمه به‌له‌مێك كه كۆچبه‌ری نایاسایی له‌نێودایه و ئاوی تێچووه به‌په‌له گه‌یشتنه ناوچه‌كه.
تیمه‌كان 19 كۆچبه‌ری نایاساییان له به‌له‌مه‌كه‌دا رزگاركرد كه هه‌شتیان منداڵ و پێنجیان ژن بوون.
له لایه‌كی دیكه‌وه له كه‌ناراوه‌كانی ده‌نیزكۆی شارۆچكه‌ی دیكیلی ژماره‌یه‌ك كۆچبه‌ری نایاسایی له‌نێو به‌له‌مێكی لاستیكیدا داوای هاوكاریان له ئاسایشی كه‌نارده‌ریا كرد، ئه‌وانیش به‌ده‌میانه‌وه چوون و 29 كه‌سیان رزگاركرد كه 17یان فه‌ڵه‌ستینی، حه‌وتیان عێراقی و پێنجیان سووری بوون.
کۆمێنت (0)
تا ئێستا هیچ کۆمێنتێک نەکراوە.