به هۆی نه‌بوونی خزمه‌تگوزارییه سه‌ره‌تاییه‌كانی ژیانه‌وه چه‌ند ڕۆژێكه خۆپیشاندانی ناڕه‌زایی له به‌سڕا به‌ڕێوه ده‌چێت و له‌م دوو ڕۆژه‌ی دوایشدا گرژی و ئاڵۆزی گه‌وره له نێوان خۆپیشانده‌ران و ده‌زگا ئه‌منییه‌كانی شاره‌كه درووستبووه.
شایه‌نی باسه به هۆی ئه‌و گرژی و ئاڵۆزیانه‌شه‌وه وه‌زاره‌تی ته‌ندروستی عێراق له ڕاگه‌ێندراوێكدا ئاماری كوژراو برینداره‌كانی ڕاگه‌یاند و ئاماژه‌ی به‌وه كردووه كه 68 هاوڵاتی بریندار بوون، كه 41 كه‌سییان هاووڵاتی سڤیل و 27 كه‌سیش له هێزه ئه‌منییه‌كانن، هاوكات ئاماژه‌ی به‌وه‌ش داوه 7 خۆپیشانده‌ریش به گولله‌ی هێزه ئه‌منییه‌كان گیانیان له‌ده‌ست داوه.
له درێژه‌ی خۆپیشاندانه‌كانیش شه‌وی ڕابردووش خۆپیشانده‌ران هه‌ڵیان كوتایه سه‌ر باڵه‌خانه‌ی پارێزگای به‌سره‌و ئاگریان تێبه‌ردا و ده‌ستیان گرد به‌سه‌ر چه‌ند ئۆتۆمبیلێكی سه‌ربازی و كۆمه‌ڵیك چه‌ك و ته‌قه‌مه‌نی و دواتر گریان تێبه‌ردان.
به‌هۆی په‌ره‌سه‌ندنی گرژی و ئاڵۆزییه‌كانیش فه‌رمانده‌یی ئۆپراسیۆنی به‌سڕه قه‌ده‌غه‌كردنی هاتووچۆی راگه‌یاند.
کۆمێنت (0)
تا ئێستا هیچ کۆمێنتێک نەکراوە.