به یاوه‌ری شاندێكی سیاسی و ئه‌منی، وه‌زیری ناوخۆی ئێران گه‌یشته عێراق و له‌لایه‌ن وه‌زیری ناوخۆی ئه‌و وڵاته‌وه پێشوازی لێكرا.
ئه‌مڕۆ چوارشه‌ممه 5-9-2018 عه‌بدولره‌زا ره‌حمانی فه‌زڵی ، وه‌زیری ناوخۆی ئێران به یاوه‌ری شاندێكی سیاسی و ئه‌منی گه‌یشته به‌غدای پایته‌خت و له‌لایه‌ن قاسم ئه‌عره‌جی، وه‌زیری ناوخۆی عێراق پێشوازیكران.
وابڕیاره هه‌ردوولا سه‌باره‌ت به كێشه هه‌ڵپه‌سێردراوه‌كانی نێوان هه‌ردوو وڵات گفتوگۆ بكه‌ن، به تایبه‌تی كێشه‌كانی وه‌كو ئاوو كاره‌باو ئه‌و دراوه‌ی كه له‌نێوان هه‌ردوولا بۆ كاری بازرگانی به‌كارده‌هێنرێن.
سه‌ردانه‌كه‌ی وه‌زیری ناوخۆی ئێران بۆ عێراق له كاتێكدایه كه شه‌وی رابردوو خۆپیشانده‌ران هێرشیان كرده سه‌ر باڵه‌خانه‌ی پارێزگای به‌سره‌و گڕیان تێبه‌ردا.
ئاماده‌كردنی / رزگار
سه‌رچاوه / سكای نیوز
کۆمێنت (0)
تا ئێستا هیچ کۆمێنتێک نەکراوە.