تیمی نەتەوە یەکگرتوەکان لە عێراق (یونامی) ئاماری کردەوە توندوتیژییەکانی مانگی رابردووی عێراقی بڵاوکردەوە، کە تێیدا (90) هاوڵاتی مەدەنی کوژراون و دەیانی دیکەش برینداربوون.
بەپێی ئەو ئامارانەی كه ئەمڕۆ یەکشەممە تیمی نەتەوە یەکگرتوەکان لە عێراق (یونامی) بڵاویکردوەتەوە، بەهۆی کردەوە توندوتیژییەکانەوە لەمانگی ئابی رابردوو (90) هاوڵاتی مەدەنی لە ناوچە جیاجیاکانی عێراق کوژراون و (117) کەسی دیکەش برینداربوون.
یونامی ئاماژەی بەوەکردوە، لە شاری بەغدا زۆرترین قوربانی هەبووە، کە (77) هاوڵاتی مەدەنی بوونەتە قوربانی ، واته 24 کوژراو و 53 بریندارى هه‌بووه، پارێزگای نەینەواش لە پلەی دوەمدایە کە (29) کەس کوژراون و (10) کەس برینداربوون، دواتریش پارێزگای ئەنبار دێت ، كه شەش کوژراو و (26) بریندارى هه‌بووه.
کۆمێنت (0)
تا ئێستا هیچ کۆمێنتێک نەکراوە.