هێزه‌كانی ڕوسیا 231 جۆری نوێی چه‌كیان له سوریادا تاقی كردۆته‌وه و 63 هه‌زار سه‌ربازی ئه‌و وڵاته‌ش ئه‌زموونی شه‌ڕیان له سوریا ده‌ست كه‌وتووه.
وه‌زاره‌تی به‌رگری ڕوسیا رایگه‌یاند: 63 هه‌زار سه‌ربازی ڕوسی ئه‌زموونی شه‌ڕیان له سوریا ده‌ست كه‌وتووه.
به‌پێی ده‌زگای هه‌اڵی ئه‌سۆشیه‌تد پرێس له‌م ژماره‌یه‌دا 25738 كه‌سیان ئه‌فسه‌رن و 434 كه‌سیان جه‌نه‌ڕاڵن و 4329 كه‌سی دیكه‌یان شاره‌زان له بواری تۆپهاوێژ و موشه‌كدا.
وه‌زاره‌تی به‌رگری ڕوسیا ده‌شڵێت: هێزی ئاسمانی سوریا زیاتر له 39 هه‌زار جار ده‌رچوونیان هه‌بووه و زیاتر له 86 هه‌زار چه‌كداریان كوشتووه و 121466 ئامانجی تیرۆریستیان له‌ناوبردووه.
گوتیشی : هێزه‌كانی ڕوسیا 231 جۆری نوێی چه‌كیان له سوریادا تاقی كردۆته‌وه، به‌ڵام ژماره‌ی قوربانییانی مه‌ده‌نی و سه‌ربازه كوژراوه‌كانی ڕوسیا ئاشكرا نه‌كراوه.
سه‌رچاوه/ ڕۆیته‌رز- ده‌نگی ئه‌مریكا
کۆمێنت (0)
تا ئێستا هیچ کۆمێنتێک نەکراوە.