حەسەن رۆحانی سەرۆکی ئێران رایگەیاند" ئەمریکا ناتوانێت ھێرش بکاتەسەر وڵاتەکەی.
رۆحانی لە رۆژی نیشتمانی پیشەسازی بەرگری ئێراندا رایگەیاندووه" پەرەپێدانی توانا مووشەکییەکانمان مانای ئەوە ناگەیەنێت جەنگمان دەوێت، بەڵکو لەپێناو ئاشتیدایە.
رۆحانی بە پێویستیشی دەزانێت وڵاتەکەی خۆی ئامادەبکات بۆ رووبەڕووبونەوەی ھەر ھێزێکی سەربازی کە ھەوڵدەدات خاکی وڵاتەکەی داگیربکات.
رۆحانی ئەوەشی خستەڕوو، ئەمریکا توانای ھێرشکردنە سەر ئێرانی نییە، چونکە درکیان بە توانا سەربازییەکانی ئێران کردووەو ھەنگاوێکی لەوشێوە باجەکەی گەورە دەبێت. وتیشی: جگە لە ئێران، ئەوروپاو کەنەداو چینیش متمانەیان بە ئەمریکا نەماوە.
وتەکانی ڕۆحانی لەکاتێکدایە، دۆناڵد ترامپ سەرۆکی ئەمریکا لە چاوپێکەوتنێکدا رایگەیاندبوو: ھیچ پەیوەندییەک لەگەڵ ئێراندا سەبارەت بە ئەگەری ئەنجامدانی دانوستان نییە.
کۆمێنت (0)
تا ئێستا هیچ کۆمێنتێک نەکراوە.