وەزیری دەرەوەی ئێران لەبارەی رێککەوتننامە ئەتۆمیەکەوە رەخنە لە وڵاتانی ئەوروپا دەگرێت و رایدەگەیەنێت" وڵاتانی ئەوروپا ھیچ ھەنگاوێکی پراکتیکییان نەناوە.
محەمەد جەواد زەریف وەزیری دەرەوەی ئێران رەخنەی ئاڕاستەی وڵاتانی ئەوروپا کردووە و لەوبارەیەوە رایگەیاندووە" لەدوای کشانەوەی ئەمریکا لە رێککەوتننامە ئەتۆمیەکە، ئەوروپا تەنھا ھەڵوێستی دەربڕیوە و ھیچ ھەنگاوێکی پراکتیکی نەناوە بۆ بەجێگەیاندنی بەڵێنەکانیان سەبارەت بە مانەوە لەو رێککەوتنەدا.
وەزیری دەرەوەی ئێران راشیگەیاندووە" ئەوروپیەکان چەندین پێشنیاریان کردووە و لە بواری مامەڵە نەوتی و بانکیەکانیشدا چەند ھەنگاوێکیان ناوە، بەڵام ھەنگاوەکان وەک پێویست نەبوون و لەڕاستیدا ئەو ھەنگاوانە زیاتر دەربڕینی ھەڵوێست بوون نەک ھەنگاوی کرداری.
دوای ئەوەی ئیدارەکەی دۆناڵد ترامپ سەرۆکی ئەمریکا، بڕیاری کشانەوەی لە رێککەوتننامە ئەتۆمیەکەدا، وڵاتانی ئەوروپا، بەتایبەت بەریتانیا و ئەڵمانیا و فەڕەنسا جەختیان کردەوە لەسەر پابەند بوون بەو رێککەوتنە و بەڵێنیان دا کۆمپانیا ئەوروپیەکان ھان بدەن کە ھاوکاریی ئابووری لەگەڵ ئێراندا بکەن.
کۆمێنت (0)
تا ئێستا هیچ کۆمێنتێک نەکراوە.