ئه‌ندامێكی په‌رله‌مانی ئێران رایده‌گه‌ێنێ، ماوه‌ی 40 ساڵه 200 بنه‌ماڵه ئێران به‌ڕێوه‌ده‌به‌ن و كێشه‌كانی بێكاری، گه‌نده‌ڵی و بێ ئاوی به‌رده‌وامن و تا دێت قووڵتره‌بنه‌وه.
هیدایه‌توڵڵا خادمی ، ئه‌ندامی په‌رله‌مانی ئێران له میانی وتارێكیدا له په‌رله‌مانی ئێران رایگه‌یاند: كێشه‌كانی بێكاری، گه‌نده‌ڵی و بێ ئاوی له ئێران به‌رده‌وامن و تا دێت قووڵده‌بنه‌وه.
هه‌روه‌ها گوتی: لێنه‌هاتوویی و لاوازی و بێبه‌رهه‌میی حكوومه‌ته‌كان، بووه‌ته هۆی قووڵبوونه‌وه‌ی كێشه‌كانی خه‌ڵك، به‌ڵام نه ئیراده‌یه‌ك نه هێزێك هه‌یه بۆ راستكردنه‌وه‌ی ئه‌م دۆخه.
گوتیشی: ماوه‌ی 40 ساڵه 200 بنه‌ماڵه ده‌ستیان به‌سه‌ر ئێراندا گرتووه، ئه‌و بنه‌ماڵانه له‌م وه‌زاره‌ت بۆ ئه‌و وه‌زاره‌ت دێن و ده‌چن.
به‌پێی هه‌واڵێكی ئاژانسی هه‌واڵیی ISNA، هیدایه‌توڵڵا خادمی كه به نزیكی له موحافزكاران ناسراوه، رایگه‌یاندووه بۆ چاره‌سه‌ری كێشه‌كان پێویسته به‌خێرایی كاربه‌ده‌ستان له ئه‌ركه‌كانیان دووربخرێنه‌وه و ئه‌وانه‌ی له گه‌نده‌ڵییه‌وه تێوه‌گلاون، سزابدرێن.
ئاماده‌كردنی: رزگار
سه‌رچاوهaa/
کۆمێنت (0)
تا ئێستا هیچ کۆمێنتێک نەکراوە.