له‌راگه‌یاندراوێكدا كه‌وێنه‌یه‌كى ده‌ست كوردستان تیڤى كه‌وتووه ،قایمقامییه‌تى قه‌زای ناوه‌ندی سلێمانى ڕایده‌گه‌ێنێت ، لێژنه‌كانمان به‌هاوكاری ئاسایشی سلێمانی ده‌ست به‌سه‌ر بڕێكی زۆر بسكیتی دۆندرمه‌ی به‌سه‌رچوودا ده‌گرێت و له‌لایه‌ن لیژنه هاوبه‌شه‌كانه‌وه له‌ناو ده‌برێت.
له‌لایه‌ن به‌شی ئابوری به‌ڕێوه‌به‌رایه‌تی ئاسایشی سلێمانی ده‌ست به‌سه‌ر ( 2 ) هه‌زار كارتۆن بسكیتی دۆندرمه له‌جۆری ( بابك )ی ئێرانی گیراوه و ره‌وانه‌ی لیژنه هاوبه‌شه‌كانی قائیمقامیه‌ت كراوه.
بسكیتی دۆندرمه‌كه له كۆگای كۆمپانیای نه‌كه‌رۆز ده‌ستی به‌سه‌ردا گیراوه، كه خاوه‌نه‌كه‌ی به نوێكردنه‌وه‌ی به‌رواره‌كه‌ی ده‌ستكاری لیبڵه‌كانی كردوه بۆ ساخكردنه‌وه‌ی له بازاره‌كانی شاری سلێمانی.
هه‌وره‌ها ڕاشیگه‌یاند ، له‌گه‌ڵ بسكیتی دۆندرمه‌كه‌دا، ده‌ست به‌سه‌ر زیاتر له ( 3 ) هه‌زار و ( 700 ) لیبڵی له‌زگه‌دا گیراوه له‌گه‌ڵ مۆری نوێكردنه‌وه‌ی به‌روار.
به‌فه‌رمانی قائیمقامی سلێمانی و له‌لایه‌ن لیژنه‌ی له‌ناوبردنی لیژنه هاوبه‌شه‌كانه‌وه له‌ناوچه‌ی تانجه‌رۆی شاری سلێمانی له‌ناو ده‌برێت و بۆ رێگری كردن له دوباره كردنه‌وه‌ی ئه‌وكاره‌ش خاوه‌نه‌كه‌ی رێكاری پێویستی به‌رامبه‌ر ده‌كرێت.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.