ئاژانسی هه‌واڵی سانا كه ده‌زگای راگه‌یاندنی فه‌رمیی حكومه‌تی سووریایه له‌سه‌ر زاری سه‌رچاوه‌یه‌كی سه‌ربازییه‌وه رایگه‌یاندووه كه شه‌وی یه‌كشه‌ممه‌ی ئه‌م هه‌فته‌یه واته شه‌وی رابردوو فڕۆكه جه‌نگییه‌كانی ئیسڕائیل یه‌كێك له بنكه سه‌بازییه‌كانی حكومه‌تی سووریایان له ناوچه‌ی حه‌له‌ب كردووه به ئامانجی هێرشی خۆیان.
هه‌روه‌ها سه‌رچاوه‌یه‌كی دیكه‌ی سه‌ربازیی سووریا به ئاژانسی هه‌واڵی ئه‌ڵمانیای راگه‌یاندووه كه شوێنی ئه‌م هێرشه فڕۆكه‌خانه‌ی سه‌ربازیی " نه‌یره‌ب " له نزیك شاری حه‌له‌به.
به‌گوێره‌ی هه‌واڵی سانا ئه‌م هێرشه زیانی گیانی نه‌بووه و ته‌نیا زیانی ماددیی هه‌بووه.
له‌لایه‌كی دیكه‌وه توڕی چاودێری مافی مرۆڤی سووریا وتوویه‌تیی كه هێرشه‌كه‌ی ئیسڕائیل بۆسه‌ر ئه‌و بنكه سه‌بازییه‌ی حكومه‌تی سووریا هاوكات بووه له‌گه‌ڵ هێرشی سوپای سووریا بۆسه‌ر بنكه‌یه‌كی هێزه‌كانی ئۆپۆزیسیۆنی ئه‌م وڵاته له نزیك " قونه‌یترا ".
هه‌ڵبه‌ت تا ئێستا حكومه‌تی ئیسڕائیل هیچ هه‌ڵوێستی سه‌باره‌ت به هه‌واڵه‌كه‌ی ئاژانسی سانا ده‌رنه‌بڕیوه.
سه‌رچاوه / رادیۆ فه‌ردا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.