ئێواره‌ى ڕۆژى چوارشه‌ممه ، له‌میانى به‌ڕێوه‌چوونى یاریه‌كانى جامى جیهانى 2018 ى رووسیا ، له‌كۆمه‌ڵه‌ى شه‌شه‌مى جامه‌كه ، هه‌ردوو هه‌ڵبژارده‌ى ئه‌لمانیا و كۆریاى باشوور رووبه‌رووی یه‌ك بوونه‌وه
هه‌ڵبژارده‌ى ئه‌ڵمانیا له‌یاریه‌كه دووچاری شكست هات له‌سه‌ر ده‌ستى كۆریای باشوور به‌ئه‌نجامى دووگۆلی بێ به‌رامبه‌ر ، به‌هۆى ئه‌و ئه‌نجامه‌وه ئه‌ڵمانیا بێ هیوا بوو له‌په‌ڕینه‌وه‌ی بۆ قۆناغى داهاتوو ، به‌شێوه‌یه‌كى فه‌رمى ماڵئاوایی له‌مۆندیال كرد
ڕۆژنامه‌ى بێڵدى ئه‌ڵمانى ڕایده‌گه‌ێنێت ، دوای یاریه‌كه مه‌سعود ئۆزێل درێسى هه‌ڵبژارده‌كه‌ى فڕێداوه ئه‌میش به‌هۆی نیگه‌رانى و توڕه‌ی ئه‌و یاریزانه له‌به‌رامبه‌ر ئه‌و ئه‌نجامه و ماڵئاواییان له‌مۆندیال ، ڕۆژنامه‌كه ڕاشیده‌گه‌ێنێت له‌به‌رامبه‌ر ئه‌و كاره‌ى ئۆزێل ئه‌نجامى داوه ، هه‌وادارانى ئه‌ڵمانیا ویستویانه په‌لاماری بده‌ن و لای ئه‌وان قه‌بوڵ كراو نه‌بووه ئه‌و كاره‌ى ئۆزێل ، بۆیه گۆلپارێزى ئه‌ڵمانیا و پۆلیس نه‌یان هێشتووه ، په‌لاماری ئۆزێل بدرێت و له‌یاریگاى بردویانه‌ته ده‌ره‌وه به‌سه‌لامه‌تى
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.