رۆژنامه‌یه‌كی خه‌لیجی ئاشكرای كردووه كه له ماوه‌ی چه‌ند رۆژی رابردوودا چه‌كدارانی داعش 50 كه‌سییان كوشتووه.
رۆژنامه‌كه له راپۆرتێكیدا بڵاویكردۆته‌وه له چه‌ند رۆژی رابردوودا ژماره‌ی ئه‌و عێراقییانه‌ی له زنجیره چیای حه‌مرین و رێگای به‌غدا- موسڵ له‌سه‌ر ده‌ستی چه‌كدارانی داعش كوژراون، یان بریندار و رفێندراون، گه‌یشتۆته نزیكه‌ی 50 كه‌س.
هه‌روه‌ها روونیشكردۆته‌وه كه له‌و ژماره‌یه‌دا 25 كه‌سییان له رۆڵه‌ی هۆزه‌كان و گوندشینانی ناوچه‌كه‌ن و ئه‌وانی دیكه‌ش سه‌ر به‌هێزه‌كانی سوپاو پۆلیس و حه‌شدی شه‌عبین.
فه‌رمانده‌یه‌كی سوپای عێراقیش به رۆژنامه‌كه‌ی راگه‌یاندووه: له ئێستادا چه‌كدارانی داعش پلانی كرده‌وه تیرۆریستییه‌كانی خۆیان گۆڕیوه‌و به‌خێرایی هێرش ده‌كه‌ن و دواتر به‌ره‌و ناوچه كشتوكاڵییه‌كان و بیابانه‌كان پاشه‌كشێ ده‌كه‌ن.
هه‌روه‌ها ئه‌و فه‌رمانده‌یه‌ی سوپای عێراق ئه‌وه‌شی ئاشكراكردووه كه چه‌كدارانی داعش له كرده‌وه‌كانیاندا جلی سه‌ربازی ده‌پۆشن و به‌ناسنامه‌ی ساخته ده‌سووڕێنه‌وه.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.