ده‌رهێنه‌ری لاوی كورد " جوبرائیل ئه‌بوبه‌كر " وه‌ك یه‌كێك له ئه‌ندامانی لێژنه‌ی دادوه‌ری خوولی دوانزه‌هه‌مینی فێستیڤاڵی "ریفیری سینه‌مایی " نێوده‌وله‌تی كه له وڵاتی ئیتاڵیا ئه‌نجامده‌درێت ده‌ستنیشانكرا .
ئه‌بوبه‌كر وه‌ك ئه‌ندامێكی لێژنه‌ی دادوه‌ری داوه‌تنامه‌ی فه‌رمی له لایه‌ن سه‌رپه‌رشتیارانی فێستیڤاڵه‌كه گه‌یشتۆته ده‌ست و بانگهێشتی ئه‌م فێستیڤاڵه كراوه كه بریاره له رۆژانی 15 تاكو 30 ی حوزه‌یرانی 2018 له وڵاتی ئیتالیا به‌ریوه‌بچێت .
جوبرائیل له سالی 1983 له شاری هه‌ولێر له دایك بووه و لەساڵی 2001ەوە دەستیداوەتە كاری سینەمایی و لەنزیكەی 40 كورتە فیلمدا یاریدەدەری وێنەگر بوە و لە 13 فیلمی سینەمایی درێژیشدا یاریدەدەری وێنەگر بوە و لەساڵی 2010ـەوە كاری دەرهێنانی سینەمایی دەكات.
ئه‌م ده‌رهێنه‌ره ەرهێنەری هەردوو فیلمی (بێدەنگی ئاسمان) و (ئەیلان)ە و فیلمی (بێدەنگی ئاسمان) لەكەمتر لە ساڵێكدا لە 54 فێستیڤاڵی سینەمایی جیهانیدا بەشداریی كرد و چەندین خەڵاتی بەدەستهێنا ، فیلمی " ئه‌یلان " لەچەندین فێستیڤاڵی سینەمایی جیهانی بەشداری كردووە و ژماره‌یك خه‌ڵاتی نێوه‌ده‌وله‌تی به‌ده‌ستهێناوه .
کۆمێنت (0)
تا ئێستا هیچ کۆمێنتێک نەکراوە.