كۆمپانیای دایلیم ئیندستریاڵی كۆریای باشوور رۆژی رابردوو رایگه‌یاند كه گرێبه‌ستێكی دوو ملیار دۆلاریی نێوان خۆی و ئێرانی هه‌ڵوه‌شاندووه‌ته‌وه كه بۆ درووستكردنی پاڵاوگه‌یه‌كی نه‌وت واژۆیان كردبوو.
به‌گوێره‌ی به‌یاننامه‌ی ئه‌م كۆمپانیایه، هۆكاری هه‌ڵوه‌شاندنه‌وه‌ی گرێبه‌سته‌كه بێتوانایی لایه‌نی ئێرانی بووه له دابینكردنی سه‌رچاوه داراییه‌كانی پڕۆژه‌ی پاڵاوگه‌ی نه‌وتی ئیسفه‌هان.
وه‌ك دیاره هۆكاری شكست هێنانی ئه‌م پڕۆژه‌یه له ئه‌نجامی ئه‌و سزا ئابوورییه نوێیانه سه‌ریهه‌ڵداوه كه ئه‌مریكا خستوویه‌ته سه‌ر ئێران به‌هۆی ئه‌و پڕۆگرامه ئه‌تۆمییه‌ی كه به‌رپرسانی تاران چه‌ندین ساڵه كاری له‌سه‌ر ده‌كه‌ن.
سه‌رچاوه / رادیۆ فه‌ردا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.