دوێنێ چوار شەممە زریانێکی بەهێز تارانی پایتەختی ئێرانی گرتەوە و بەهۆیەوە دەیان کەس بونە قوربانی کە یەکێک لەقوربانیەکانی گیانی لەدەستدا.
محەمەد کەرەم دەرئابادی بەرپرسی پەیوەندییە گشتییەکانی هێزی فریاکەوتنی تاران ڕاگەیاند، زریانەکە دوانیوەڕۆی رۆژی چوارشەممە لە زۆربەی ناوچەکانی تاران توند بوو و بووە هۆی گیان لەدەستدانی یەک کەس و برینداربوونی 76 کەسی تر .
باسی لەوەش کردووە، ئەو کەسەی گیانی لەدەستداوە بەهۆی داڕووخانی خانووەکەیەوە بووە لە گەڕەکی نازی ئاباد.
ئاماژەی بەوەشداوە 25 کەسیان پاش وەرگرتنی چارەسەری تەندروستی سەرەتایی گواسترانەوە بۆ نەخۆشخانە و هاوڵاتیەکانی تر هەر لە شوێنی ڕووداوەکە چارەسەریان بۆ کرا.
شایەنی باسە دوێنی زریانێکی بەهێز شاری تارانی گرتەوە بە جۆرێک خێرایی با گەیشتە 70 کیلۆمەتر لە کاتژمێرێکدا، جگە لە گیانلەدەستدان و برینداربوونی هاوڵاتیان، زیانی ماددی بەر خانوو و دوکانی هاوڵاتیان کەوت.
کۆمێنت (0)
تا ئێستا هیچ کۆمێنتێک نەکراوە.