دوای ئه‌وه‌ى له‌یاری كۆتایی خولى یانه پاله‌وانه‌كانى ئه‌وروپا لێڤه‌رپول له‌به‌رامبه‌ر ریال مه‌درید دووچارى شكست هات به‌ئه‌نجامى سێ گۆل له‌به‌رامبه‌ر گۆلێك ، له‌و یاریه‌دا محه‌مه‌د سه‌لاح دووچارى پێكان هات له‌خوله‌كى 30ى تایمى یه‌كه‌مى یاریه‌كه كه‌به‌هۆیه‌وه یاریه‌كه‌ى پێ ته‌واو نه‌كرا و یاریگاى جێهشێت به‌چاوى گریانه‌وه .
له‌دوای یاریه‌كه یۆرگن كلۆبى راهێنه‌ری لێڤه‌رپول له‌كۆنگره‌یه‌كى رۆژنامه‌وانى بۆ میدیاكانى لێدوانى دا به‌م شێوه‌یه :
ناوبراو رایگه‌یاند : پیرۆزبایم بۆ ریال مه‌درید له‌به‌ده‌ست هێنانى نازناوى خوله‌كه ، ئه‌وه‌ى به‌لامه‌وه تێبینیه پێكانى محه‌مه‌د سه‌لاح له‌یاریه‌كه‌دا كه‌نه‌یتوانى به‌رده‌وام بێت له‌گه‌لمان به‌هۆیه‌وه یاریه‌كه گۆڕا له‌كاتێك ئێمه پێویستمان پێى هه‌بوو به‌رده‌وام بێت له‌گه‌لمان .
كلۆب له‌سه‌ر ئاستى یانه‌كه‌ى له‌یاریه‌كه رایگه‌یاند : تا خوله‌كى 30 له‌تایمى یه‌كه‌م ئاستمان به‌رز بوو له‌یاریه‌كه به‌ڵام وه‌ك رامگه‌یاند پێكانى سه‌لاح ئاراسته‌كه‌ى گۆڕى كاریگه‌ری هه‌بوو به‌سه‌ر یانه‌كه‌مان
كلۆب : ده‌خوازم محه‌مه‌د سه‌لاح به‌شداری یاری مۆندیال بكات و ئه‌و دووچارى پێكانی قورس بووه ، به‌هیوای زوو چاك بوونه‌وه‌ى
راهێنه‌ری لێڤه‌رپول ڕاشیگه‌یاند : نیگه‌رانم له‌هه‌ڵه‌كانى گۆلپارێزى یانه‌كه‌مان كه دواتر باجه‌كه‌مان دا ئه‌میش به‌له‌ده‌ست دانى نازناوى خولى یانه پاله‌وانه‌كانى ئه‌وروپا .
كلۆب له‌سه‌ر رامۆس رایگه‌یاند : لێدانه‌كه‌ى رامۆس له‌محه‌مه‌د سه‌لاح وه‌ك یاریزانى موساره‌عه وابوو ، كه‌به‌شێوه‌ى توند رووبه‌رووی بوویه‌وه كه‌دواجار دووچارى پێكان هات و یاریگاى جێهێشت
کۆمێنت (0)
تا ئێستا هیچ کۆمێنتێک نەکراوە.