دوای براوه‌بوونى ریال مه‌درید له‌یاری كۆتایی خولى یانه پاله‌وانه‌كانى ئه‌وروپا له‌به‌رامبه‌ر لێڤه‌رپول به‌ئه‌نجامى سێ گۆل له‌به‌رامبه‌ر گۆلێك ، به‌هۆیه‌وه ریال مه‌درید نازناوى خولى یانه پاله‌وانه‌كانى ئه‌وروپاى به‌ده‌ست هێنا بۆ جاری سێیه‌م له‌سه‌ر یه‌ك .
له‌دوای یاریه‌كه زێدان له‌كۆنگره‌یه‌كى رۆژنامه‌وانى بۆ میدیاكان لێدوانى دا له‌سه‌ر پاڵه‌وانى بوونیان له‌چامپیۆنس لیگ بۆ جاری سێیه‌م له‌سه‌ر یه‌ك
به‌شێك له‌لێدوانه‌كانى زێدان له‌كۆنگره رۆژنامه‌وانیه‌كه :
زێدان : ئه‌م وه‌رزه تووشى كێشه‌ى زۆر هاتین تایبه‌ت له‌خولى پله‌یه‌كى ئیسپانیا و جامى شا ، به‌ڵام خۆشحاڵبووین له‌پاڵه‌وانى بوونمان له چامپیۆنس لیگ
زێدان : دڵخۆشین له‌به‌ده‌ست هێنانى نازناوى چامپیۆنس لیگ له‌م وه‌رزه ، وه‌بۆ جاری سێیه‌م بۆیه ئێمه مێژوویه‌كى نوێمان نوسیه‌وه ، وه‌ئێمه چێژ له‌و ساته خۆشانه وه‌رده‌گرین كه‌ده‌بینه پاڵه‌وان
زێدان : شانازى به‌یاریزانانى ریال و تیپه‌كه ده‌كه‌م ئه‌مڕۆ ئێمه مێژوویه‌كى دیكه‌مان نووسیه‌وه ژماره‌یه و دیارین له‌گۆڕه‌پانه‌كه ستایشى ته‌واوى یاریزانان ده‌كه‌م ده‌ستیان خۆش بێت
زێدان : ستایشى ئاست به‌رزى گاریس بێل ده‌كه‌م ئه‌و بۆمان له‌ڕۆژى خۆی دابوو ، بۆیانه‌كه‌مان دیار و ژماره‌یه سوپاسى ده‌كه‌ین له‌و ئاسته‌ى له‌یاریه‌كه‌دا پێشكه‌شى كرد
زێدان له‌باره‌ى گۆلپارێزه‌كه‌ى لێڤه‌رپول رایگه‌یاند : هه‌ڵه‌كانى گۆلپارێز له‌یاریه‌كه‌دا ، ئه‌و جۆره هه‌ڵانه رووده‌ده‌ن له‌یاری تۆپى پێدا ، وه‌ڕاشیگه‌یاند دوای گۆلى لێڤه‌رپول و یه‌كسان كردنه‌وه‌ى یاریه‌كه ، ئێمه به‌رده‌وام بووین له‌پێناو تۆمارى گۆل و سه‌ركه‌وتنمان له‌یاریه‌كه‌دا
کۆمێنت (0)
تا ئێستا هیچ کۆمێنتێک نەکراوە.