دوای بڵاوبوونه‌وه‌ی ڤیدیۆیه‌ك له‌سه‌ر تۆڕه كۆمه‌ڵایه‌تییه‌كانی ناوخۆی ئێران كه تیایدا مامۆستایه‌كی " زانكۆی ئازاد "ـی شاری زاهیدان سووكایه‌تیی به سوننه مه‌زهه‌به‌كانی پارێزگای سیستان و بلوچستان ده‌كات، دوابه‌دوای بڵاوبوونه‌وه‌ی ڤیدیۆكه دانیشتووانی شاره‌كه كۆبوونه‌وه‌ی ناڕه‌زایه‌تییان له‌به‌رده‌م ده‌رگای ئه‌م زانكۆیه ئه‌نجامدا.
له‌م ڤیدیۆیه‌دا مامۆستا "ح.س " سووكایه‌تیی به گه‌لی به‌لوچ و دانیشتووانی سوننه مه‌زهه‌بی شاری زاهیدان ده‌كات و به‌م هۆیه‌شه‌وه جه‌نجاڵییه‌كی گه‌وره ده‌رووست ده‌بێت و له ئه‌نجامیشدا ئه‌م مامۆستایه‌ی زانكۆ به فه‌رمانی داواكاری گشتیی پارێزگای سیستان و بلوچستان ده‌ستگیر ده‌كرێت، راگری زانكۆكه‌شه وتوویه‌تی ئه‌م مامۆستایه له‌كار لادراوه.
جێگه‌ی باسه كه دانیشتووانی ئه‌م پارێزگایه به هۆی باوه‌ڕیان به ئایینزای سوننه به‌رده‌وام له‌ژێر سێبه‌ری جیاكاری به‌رپرسانی حكومه‌تدا بوونه و به‌رده‌وامیش ناڕه‌زاییه‌تیان ده‌بڕیوه.
سه‌رچاوه / ده‌نگی ئه‌مریكا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.