ئه‌مرۆ شه‌ممه 26ى ئایاری 2018 كاتژمێر 9:45 شه‌و به‌كاتى هه‌ولێر ،یاری كۆتایی خولى یانه پاله‌وانه‌كانى ئه‌وروپا له‌نێوان ریال مه‌درید پاڵه‌وانى دوو وه‌رزى پێشوو ، لێڤه‌رپول به‌ڕێوه‌ده‌چێت .
یاریگای ئۆلۆمپسکی له‌شارى كییڤ میوانداری هه‌ردوو یانه ده‌كات ، ریال مه‌درید به‌و ئامانجه یاریده‌كات بتوانێت نازناوى سێیه‌م له‌سه‌ر یه‌ك به‌ده‌ست بهێنێت ، هه‌موو هه‌وڵێكى یانه مه‌دریدیه‌كه ئه‌وه‌یه براوه‌بێت له‌م وه‌رزه بتوانێ نازناوى خولى یانه پاڵه‌وانه‌كانى به‌ده‌ست بهێنێت ، له‌دوای ئه‌وه‌ى له‌جامى شای ئیسپانیا و له‌لالیگا نه‌یتوانى ببێته پاڵه‌وان ، بۆیه هه‌وڵه‌كان له‌پێناو ئه‌وه‌یه بتوانن له‌م وه‌رزه نازناوێك به‌ده‌ست بهێنن ئه‌ویش له‌ئه‌مشه‌ودا هه‌وڵی بۆی ده‌ده‌ن .
له‌به‌رامبه‌ردا لێڤه‌رپول به‌پشت به‌ستن به محه‌مه‌د سه‌لاح ئه‌ستێره‌ی یانه‌كه و ژماره‌یه‌كى دیار له‌ڕێزه‌كانى لێڤه‌رپول ، وه‌به‌پالپشتى سه‌رجه‌م یاریزانانى پێكهاته‌كه ، ده‌یانه‌وێت له‌به‌رامبه‌ر ریال مه‌درید براوه‌بن له‌پێناو به‌ده‌ست هێنانى نازناوى خولى یانه پاڵه‌وانه‌كانى ئه‌وروپا .
کۆمێنت (0)
تا ئێستا هیچ کۆمێنتێک نەکراوە.