رەجەب تەیب ئۆردوگان سەرۆكی توركیا رایگەیاند ئەوانەی خاوەن چەكی ئەتۆمیین هەڕەشەن بۆ سەر جیهان . رەخنەی لە ئەمریكا گرت بەوەی كشانەوەی خۆی لە رێككەوتنی ئەتۆمی لە گەڵ ئێران راگەیاند .
ئۆردوگان روونیكردەوە ، وڵاتانی زلهێز زیاتر لە 15000 بۆمبی ئەتۆمیان هەیە و هەڕەشەن بۆ سەر تەواوی وڵاتانی جیهان .
بەپێی ئامارە نێودەوڵەتیەكان 9 وڵات لە جیهان خاوەن چەكی ئەتۆمین كە زیاتر لە 15000 بۆمبی ئەتۆمیان هەیە و ئەمریكا و روسیاش بە رێژەی 90%ی ئەم بۆمبانەیان لایە .
ئۆردوگان روونیشیكردەوە كە عەدالەت ئەوە نییە كە ئەو وڵاتانەی وێستگەی ئەتۆمی دروست دەكەن هەڕەشەن ، بەڵكو ئەو وڵاتانەی كە چەكی ئەتۆمیان هەیە و هەوڵی دروستكردنی وێستگەی ئەتۆمی دەكەن ئەوان هەڕەشەن بۆ سەر جیهان ، داواشی كرد پێویستە ناوچەی رۆژهەڵاتی ناوەڕاست لە چەكی ئەتۆمی خالی چۆڵ بكرێت وەك ئاماژەیەك بۆ ئیسرائیل ، كە بەردەوام ئەو وڵاتە بوونی چەكی ئەتۆمی لە وڵاتەكەی رەتدەكاتەوە .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.