نوێكراوه‌ته‌وه..
له ئاكامی ئه‌و بوومه‌له‌رزه‌یه‌ی به گوڕی ٥.٢ سه‌رله‌به‌یانی ئه‌مڕۆ چوارشه‌ممه شاری سیسخه‌ت سه‌ر به پارێزگای كۆهگیلویه و بویه‌ر ئه‌حمه‌دی باشووری رۆژئاوای ئێرانی هه‌ژاند، ٧٦ كه‌س برینداربوون.
ته‌له‌ڤیزیۆنی حكوومیی ئێران بڵاویكرده‌وه چه‌قی بوومه‌له‌رزه‌كه شاری سیسخه‌ت بووه و به‌پێی زانیارییه سه‌ره‌تاییه‌كان، ٧٦ كه‌س برینداربوون كه برینی دوویان سه‌خته.
ئاماژه به‌وه‌شده‌كرێت له‌دوای بوومه‌له‌رزه‌كه تیمه‌كانی گه‌ڕان و رزگاركردن ره‌وانه‌ی ناوچه‌كه كراون و ئه‌گه‌ری به‌رزبوونه‌وه‌ی ژماره‌ی برینداربووانیش له ئارادایه.
كاتژمێر ٠٨:٣٨ به كاتی ناوخۆی ئێران بوومه‌له‌رزه‌یه‌ك به گوڕی ٥.٢ شاری سیسخه‌تی له پارێزگای كۆهگیلویه و بویه‌رئه‌حمه‌دی باشووری رۆژئاوای ئێران هه‌ژاندبوو.
کۆمێنت (0)
تا ئێستا هیچ کۆمێنتێک نەکراوە.