له ده‌رهێنانی سینه‌ماكاری كورد ( هه‌ڵكه‌وت مسته‌فا ) فیلمی سینه‌مایی " ئێل كلاسیكۆ " به‌شداری له به‌شی زه‌نگی حه‌وته‌می فێستیڤاڵی جیهانی فیلمی فه‌جر ده‌كات .
به‌شی زه‌نگی حه‌وته‌می سی و شه‌شه‌مین خولی فێستیڤاڵی جیهانی فیلمی فه‌جر ، به نمایشكردن و پێشاندانی حه‌وت فیلمی درێژ ی سینه‌مایی و چوار كورته فیلم له تارانی پایته‌ختی ئێران ده‌ستی به كاره‌كانی كرد ، فیلمی كوردی " ئێل كلاسیكۆ " له ده‌رهێنانی " هه‌ڵكه‌وت مسته‌فا " كه له لایه‌ن عێراق و نه‌رویج به‌رهه‌مهێنراوه ، له لایه‌ن بینه‌رانی فێستیڤاڵه‌كه پێوازییه‌كی باشی لێكرا .
ئه‌م فیلمه له هه‌ر یه‌ك له فیستیڤاڵی نه‌ته‌وه‌یی فیلمی نه‌رویج ، خه‌ڵاتی باشترین فیلم و هه‌روه‌ها له فێستیڤاڵی نێوده‌وله‌تی فیلمی دوبه‌ی خه‌ڵاته‌كانی باشترین فیلمی چیرۆكی و باشترین ده‌رهێنان و هه‌روه‌ها خه‌ڵاتی تایبه‌تی ده‌سته‌ی دادوه‌رانی به ده‌ست هێناوه .
جێی گوتنه ئه‌م فیلمه باس له چیرۆكی ئالان و براكه‌ی ده‌كات كاتێكه له هه‌رێمی كوردستان به‌ره‌و وڵاتی ئیسپانیا به‌رێده‌كه‌ون و بۆ ئه‌وه‌ی یاریزان " كریستیانۆ رۆنالدۆ " ببینن .
کۆمێنت (0)
تا ئێستا هیچ کۆمێنتێک نەکراوە.