راهێنه‌رى یانه‌ى ریال بێتس كیكیه سیتیان ، له‌توێتێكى له‌په‌یجى تایبه‌ت به‌خۆی له‌تۆڕى كۆمه‌ڵایه‌تى توێته‌ر په‌یامێك ده‌دات به ئینێستا ئه‌ستێره و كاپتنى یانه‌ى بارسێلۆنا ئیسپانى ، ناوبراو هیواده‌خوازێت له‌هاوینه‌دا له‌بڕی چوونى بۆ خولى چینى ، په‌یوه‌ندى بكات به‌یانه‌كه‌مان و ده‌رگامان بۆی كراوه‌یه .
راهێنه‌رى ناوبراو بۆ ئه‌ستێره‌كه‌ى بارسێلۆنا په‌یامه‌كه‌ى ڕوونه بۆ ئێنێستا كه‌ئاره‌زوو ناكات له‌خولى لالیگا ده‌ربچێت و بچێته خولى چینى ، به‌ڵكو راهێنه‌رى ناوبراو په‌یامه‌كه‌ى بۆ كاپتنى بارسێلۆنا بۆ ئه‌وه‌یه چه‌ند ساڵى داهاتووت له‌به‌رده‌وامى له‌یاریكردن له‌ریال بێتس به‌كۆتا بێنه
ئینێستا له‌یارى شه‌وى رابردوو له‌به‌رامبه‌ر سێڤیا له‌یاری كۆتایی جامى شاى ئیسپانیا له‌گه‌ل یانه‌كه‌یان توانیان نازناوى جامى شاى ئیسپانیا بۆ جارى 30 یه‌مین به‌ده‌ست بێنن .
ئه‌ستێره‌و كاپتنى بارسێلۆنا دوای یاریه‌كه ڕایگه‌یاند : له‌هه‌فته‌ى داهاتوو هه‌موو شت ڕونده‌كه‌مه‌وه له‌سه‌ر ڕۆیشتنم له‌ڕیزه‌كانى بارسێلۆنا ، بڕیارم داوه پێشووتر ، بڕیاره‌كه‌م ناگۆڕم ، به‌پێى میدیاكانى ئیسپانیا و سه‌رچاوه هه‌واڵیه وه‌رزشیه‌كانى جیهان ئینێستا به‌گرێبه‌ستێكى سێ وه‌رزه په‌یوه‌ندى كردووه به‌یانه‌یه‌كى چینى له‌هاوینه‌دا ده‌كه‌وێته بوارى جێ به‌جێ كردن
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.