سبه‌ى سێشه‌ممه له‌میانى یارى گه‌ڕانه‌وه له‌قۆناغى هه‌شتى خولى یانه پاڵه‌وانه‌كانى ئه‌وروپا ، كاتژمێر 9:45 شه‌و دوو یاری به‌ڕێوه‌ده‌چێت ، ڕۆما میواندارى بارسێلۆنا ده‌كات ، یان ئیتاڵیه‌كه یارى چوونى به‌ئه‌نجامێكى قورس دۆڕاندووه ، ئه‌ركیان ئاسان نیه له‌به‌رده‌م بارسێلۆنا بتوانن ئه‌نجام یه‌كسان بكه‌نه‌وه به‌جۆرێك سه‌ركه‌وتن به‌ده‌ست بهێنن بۆ قۆناغى داهاتووى خول ، ئه‌رك گرانى رۆما له‌و یاریه به‌هۆى به‌هێزى و پێكهاته‌یه‌كى باشى بارسێلۆنایه زیاتر ئه‌ركی ئه‌م یانه‌یه‌ى قورس كردووه بتوانێ به‌ئه‌نجامێكى باش براوه بێت .
بارسێلۆنا ئه‌ركى ئاسانه له‌م یاریه به‌هۆى تۆمارى گۆلێكى باش له‌یارى چوون كاتێك به‌ئه‌نجامى چوار گۆل له‌به‌رامبه‌ر گۆلێك براوه‌ى یاریه‌كه بوو ، بۆیه ئه‌ركى یانه‌ى بارسێلۆنا له‌م یاریه ئاسانه بتوانێ سه‌ركه‌وێت بۆ قۆناغى داهاتوو
له‌یاریه‌كى دیكه‌ى خولدا، مانچسته‌ر سیتى میواندارى لێڤه‌رپول ده‌كات ، مانستى ئه‌نجامى یارى چوونى له‌به‌رامبه‌ر لێڤه‌رپول به‌شكست به‌كۆتا هێناوه كاتێك به‌سێ گۆلى بێ به‌رامبه‌ر یاریه‌كه‌ى ته‌واو كرد ، یانه‌كه‌ى گواردیۆلا ئه‌ركى ئاسان نابێ له‌م یاریه وێڕاى ئه‌وه‌ى پیپ له‌دوای یارى چوون له‌كۆنگره‌یه‌كى ڕۆژنامه‌وانیدا رایگه‌یاند ، بۆ یارى گه‌ڕانه‌وه‌ى قه‌ره‌بووى ئه‌نجامى ئه‌م یاریه‌مان ده‌كه‌ینه‌وه 90 خوله‌ك له‌به‌رده‌ممان ماوه ، مانچسته‌ر سیتى له‌كاتێك رووبه‌رووى لێڤه‌رپول ده‌بێته‌وه له‌پریمه‌رلیگ له‌به‌رامبه‌ر مانچسته‌ر یونایتد دووچارى شكست هات .
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.