له ناوچه‌ی خانكێی سه‌ر به قه‌زای سێمێل ته‌رمی كچێك دۆزراوه‌ته‌وه كه چوار رۆژ پێش ئێستا ون ببوو.
به‌ره‌به‌یانی ئه‌مڕۆ دوو شه‌ممه 9-4-2018 له ناوچه‌ی خانكێی سه‌ر به قه‌زای سێمێل ته‌رمی كچێكی ته‌مه‌ن 26 ساڵ به ناوی (نه‌جات به‌رجه‌س) له به‌نداوی مام شڤان دۆزراوه‌ته‌وه كه پێش چوار رۆژ له ماڵه‌وه ده‌رچووه و نه‌گه‌ڕاوه‌ته‌وه، تا ئه‌مڕۆ به مردوویی دۆزراوه‌ته‌وه.
به پێی وته‌ی شایه‌تحاڵه‌كان ئه‌و كچه خه‌ڵكی ده‌ڤه‌ری شنگاله و دانیشتووی كه‌مپی خانكێییه و دوای دۆزینه‌وه‌ی، ته‌رمه‌كه‌ی نێردراوه بۆ پزیشكی دادوه‌ری
به پێی زانیارییانه‌ی به‌رده‌ستمان كه‌وتوون هه‌ر ئه‌مڕۆ ته‌رمی كچه‌كه ره‌وانه‌ی شنگال كراوه‌ته‌وه.
کۆمێنت (0)
تا ئێستا هیچ کۆمێنتێک نەکراوە.