گوته‌بێژی حكوومه‌تی هه‌رێمی كوردستان رایگه‌یاند: تا ئێستا له‌گه‌ڵ به‌غدا بۆ هه‌نارده‌كردنی نه‌وتی كه‌ركووك نه‌گه‌یشتووینه‌ته بڕیاری كۆتایی .
گوته‌بێژی حكوومه‌تی هه‌رێمی كوردستان له لێدوانێكی تایبه‌ت بۆ كوردستان تیڤی رایگه‌یاند تا ئێستا له‌گه‌ڵ به‌غدا بۆ هه‌نارده‌كردنی نه‌وتی كه‌ركووك نه‌گه‌یشتووینه‌ته بڕیاری كۆتایی .
سه‌فین دزه‌یی ڕوونیكرده‌وه كه بۆ هه‌نارده‌كردنی نه‌وتی كه‌ركووك حكوومه‌تی هه‌رێمی كوردستان بیرۆكه‌یه‌كی داوه‌ته حكوومه‌تی عێراق كه پێشوازیی زۆری لێكراوه .
گوته‌بێژی حكوومه‌تی هه‌رێمی وكردستان ئه‌وه‌شی راگه‌یاند كه به پێی بیرۆكه‌ی حكوومه‌تی هه‌رێمی كوردستان، رۆژنانه بڕی دووسه‌د و په‌نجا هه‌زار به‌رمیل نه‌وتی كه‌ركووك له رێگه‌ی بۆڕیی نه‌وتی هه‌رێمی كوردستانه‌وه هه‌نارده بكرێت و كۆمپانیای سۆمۆ بیفرۆشێت و داهاته‌كه‌ی بگه‌رێته‌وه خه‌زێنه‌ی عێراق تا هه‌موو گه‌لی عێراق به هه‌رێمی كوردستانیشه‌وه سودی لێ ببینن .
سه‌فین دزه‌یی گوتیشی: ئه‌و بیرۆكه‌یه له لایه‌ن حكوومه‌تی هه‌رێمی كوردستانه‌وه پێشوازیی زۆری لێكراوه و له ڕووی ته‌كنیكییه‌وه قسه‌ی له‌سه‌ر كراوه به‌ڵام نه‌بۆته بڕیاری كۆتایی .
کۆمێنت (0)
تا ئێستا هیچ کۆمێنتێک نەکراوە.