وه‌زیرێكى ده‌ره‌وه‌ى ئه‌ڵمانیا له كۆبوونه‌وه‌یه‌كى ڕۆژنامه‌وانیدا لوتكه سێ قۆڵیه‌كه‌ى نێوان ڕوسیا و ئێران و توركیا به لوتكه‌ى شه‌ڕ ناوبرد.
به‌پێى هه‌واڵێكى دى ده‌بلیوى ئه‌ڵمانى نیلسن ئانه‌ن سه‌رپه‌رشتیارى وه‌زیرى ده‌ره‌وه‌ى ئه‌ڵمانیا رۆژى چوارشه‌ممه 4ى نیسانى 2018 ڕایگه‌یاند: له ڕاستیدا كۆبوونه‌وه‌ى پوتین و ئه‌ردۆغان و ڕوحانى كۆبوونه‌وه‌ى "لوتكه‌ى شه‌ڕه" هه‌روه‌ها وتى ئه‌م كۆبوونه‌وه سێ قۆڵییه تا ئێستا جێگاى بێهواییه و به‌ڕاى من ناگاته ئه‌نجامى چاره‌سه‌رى كێشه‌ى سیاسى.
ئانن باسى له‌وه‌شكرد كه ڕوسیا و ئێران و توركیا به‌شداریان كردووه له شه‌رى سوریا و پێویسته كفتۆگوكان له ڕێگاى نه‌ته‌وه یه‌كگرتووه‌كانه‌وه ئه‌نجام بدرێن چونكه ته‌نها ئه‌وان ده‌گه‌نه چاره‌سه‌رى سیاسى و بێ لایه‌نانه بڕیار ده‌ده‌ن.
هه‌ر له هه‌مان رۆژدا واته رۆژى چوارشه‌ممه 4/4/2018 كۆبوونه‌وه‌یه‌كى سێ قوڵى له نێوان ڕوسیا و ئێران و توركیا له ئه‌نقه‌ره‌ى پایته‌ختى توركیا و ئه‌نجامدرا له‌سه‌ر ره‌وشى سوریا.
ئاماده‌كردن و وه‌رگێڕانى/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.