ماریا مه‌حمودی ته‌مه‌ن 20 ساڵ كه قوتابی پزیشكی ده‌روونییه ، له ئه‌نجامی به‌شداریكردنی له هه‌ڵبژاردنی شاجوانی له وڵاتی ئینگلته‌را ، به جله داپۆشراوه‌كانییه‌وه توانی بگات به قۆناغی كۆتایی هه‌ڵبژاردنه‌كه .
یه‌كێك له یاسا فه‌رمییه‌كانی هه‌ڵبژاردنه‌كه ،پێویسته به‌شداربوو به جلی مه‌له‌وانییه‌وه خۆی نمایشبكات ، بۆیه ناوبراو جلو به‌رگی تایبه‌ت به سه‌رپۆش له‌سه‌ره‌كانی كرده به‌ر كه بۆ مه‌له‌وانی زۆر گونجاوه و جه‌سته‌شی له رووتی ده‌پارێزێت .
ماریا ئامانجی به‌شداریكردنی له‌م هه‌ڵبژاردنه ئاشكراكرد كه بریتیبوو له هاندانی ژنان بۆ گه‌یشتن به ئامانجه‌كانیان ، توانی بیسه‌لمێنێت موسلمان وه‌ك هه‌ر كه‌سێكی دیكه ده‌توانێت به‌شداری له هه‌موو سه‌ركه‌وتنه‌كاندا بكات .
ماریا وه‌ك یه‌كه‌م جێنشینی شاجوانی ئینگلته‌را هاته هه‌ڵبژاردن، واته هه‌ر كاتێك شاجوان به هه‌ر هۆكارێك وازی له ناسناوه‌كه‌ی هێنا، ئه‌وا ڕاسته‌وخۆ ئه‌م به شاجوانی ئه‌و وڵاته دێته ناسین .
کۆمێنت (0)
تا ئێستا هیچ کۆمێنتێک نەکراوە.