له‌میانى به‌ڕێوه‌چوونى یارییه‌كانى هه‌فته‌ى سی و دووى خولى نایابى ئینگلیزى ، پاش نیوه‌رۆى ئه‌مڕۆ شه‌ممه كریستاڵ پاڵاس میواندارى لێڤه‌رپولى كرد .
لێڤه‌رپول له‌یارى ئه‌م هه‌فته‌یه‌ی بردنه‌وه‌ىیه‌كى قورسى به‌سه‌ر یانه‌ى خاوه‌ن یاریگا تۆماركرد ، به‌ئه‌نجامى دووگۆل له‌به‌رامبه‌ر گۆلێك براوه‌ى یاریه‌كه بوو .
له‌سه‌ره‌تاكانى یاری له‌خوله‌كى سێزده كریستاڵ پاڵاس له‌ڕێگاى لێدانى سزا گۆلى تۆماركرد كه‌یاریزان لۆكا میلیڤۆ جێ به‌جێ كارى بوو ، گۆلى یه‌كسانى لێڤه‌رپول له‌خوله‌كى 49 تۆماركرا له‌ڕێگاى سادیۆ مانى .
ئه‌نجامى یاریه‌كه به‌م ئه‌نجامه به‌گۆلێك بۆ هه‌ردوو یانه به‌رده‌وام بوو، له خوله‌كى 84
یاریه‌كه محه‌مه‌د سه‌لاحى ئه‌ستێره‌و هێرشبه‌رى لێڤه‌رپول توانى گۆلى براوه‌بوون بۆ یانه‌كه‌ى تۆماربكات ، له‌شكست ڕزگاریان بكات
به‌تۆماری ئه‌و گۆله هێرشبه‌ره میسریه‌كه گۆله‌كانى به‌رزكرده‌وه بۆ 29 گۆل ، له‌پله‌ى یه‌كه‌مى ڕیزبه‌ندى گۆلكارانى خوله‌كه دێت ، به‌جیاوازى پێنج گۆل له‌پێش هاری كینه كه بیست و چوار گۆلى هه‌یه
لێڤه‌رپول به‌براوه‌بوونى له‌یارى ئه‌م هه‌فته‌ی له‌ئێستادا خاوه‌ن 66 خاڵه و له‌ڕیزبه‌ندى له‌پله‌ى دووه‌م دایه ، كریستاڵ پالاس له‌پله‌ى شازده دایه به 30 خاڵ
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.