گوته‌بێژی ئۆپه‌راسیۆنه هاوبه‌شه‌كانی عێراق، ده‌ڵێت ئه‌و هێزه‌ی سوپای عێراق له شنگال و سنونێ جێگیركراون بۆ ئه‌وه‌ی هیچ بۆشاییه‌كی ئه‌منی له ناوچه‌كه دروست نه‌بێت.
عه‌مید یه‌حیا ره‌سول ، گوته‌بێژی ئۆپه‌راسیۆنه هاوبه‌شه‌كانی عێراق رایگه‌یاند: ئه‌مرۆ یه‌كه‌كانی فیرقه‌ی ١٥ی سه‌ربه سوپای عێراق گه‌یشتنه قه‌زای شنگال و ناحییه‌ی سنونێ بۆ پاراستنی ئاسایشی ناوچه‌كه و رێگه گرتن له دروستبوونی بۆشایی ئه‌منی، جێگیربوونی ئه‌و هێزانه له‌و ناوچانه له‌ژێر فه‌رمانی حكوومه‌تی عێراق بووه.
گوتیشی: یه‌كه سه‌ربازییه‌كانی سوپای عێراق ئه‌مڕۆ له‌و ناوچانه جێگیر كراون، كه پێشتر بنكه و باره‌گاكانی په‌كه‌كه بوون، جێگیربوونی ئه‌و هێزه‌ی سوپای عێراق دوای بڕیاری كشانه‌وه‌ی چه‌كدارانی په‌كه‌كه دێت له شنگال و سنونێ ته‌واوی ناوچه‌كه.
ئاماژه به‌وه ده‌دات كه هێزه‌كه پێكدێت له چه‌كی قورس و جۆره‌ها كه‌لوپه‌لی سه‌ربازی كه بۆ پاراستنی ئاسایشی ناوچه‌كه پێویستن.
سه‌رچاوه: ئانادۆڵۆ
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.