له راگه‌یاندراوێكدا پۆلیسی سلێمانی ده‌ستگیر كردنی 2 تۆمه‌تباری به تۆمه‌تی ساخته‌كاری و فریودانی خه‌ڵكی له رێگه‌ی تۆری كۆمه‌ڵایه‌تی فه‌یسبووكه‌وه راگه‌یاند.
له راگه‌یاندراوه‌كه‌دا هاتووه: دوای ئه‌وه‌ی بنكه‌ی پۆلیسی چوارچرا زانیارییان ده‌ستكه‌وت كه 2 كه‌س به‌ناوی خوازراوه‌وه له‌تۆڕی كۆمه‌ڵایه‌تی فه‌یسبوك هاوڵاتیانیان فریو داوه كه گوایه ڤیزای گه‌شتیارییان بۆ وه‌رده‌گرن، ده‌ستبه‌جێ پاش كۆكردنه‌وه‌ی زانیاریی ورد، هێزه‌كانی پۆلیس توانییان تۆمه‌تباره‌كان ده‌ستگیر بكه‌ن.
راشیگه‌یاندووه: تۆمه‌تباره‌كان له‌به‌رده‌م ئه‌فسه‌ری لێكۆڵینه‌وه‌دا دانیان ناوه به‌تاوانه‌كه‌یاندا كه له‌به‌رامبه‌ر وه‌رگرتنی بڕێك پاره چه‌ند كه‌سێكیان فریوداوه ، گوایه ڤیزای گه‌شتیاریان بۆ وه‌رده‌گرێت.
هه‌روه‌ها راشیگه‌یاندووه:لێكۆڵینه‌وه‌ی زیاتر له‌تۆمه‌تباران به‌رده‌وامه‌و په‌راوی لێكۆلینه‌وه‌یان بۆ كراوه‌ته‌وه.
کۆمێنت (0)
تا ئێستا هیچ کۆمێنتێک نەکراوە.