جێمز ماتیس وه‌زیری به‌رگریی ئه‌مریكا رۆژی یه‌كشه‌ممه هۆشداریدا به حكومه‌تی سووریا تا چیتر چه‌كی كیمیاویی به‌كارنه‌هێنێت دژ به هاوڵاتییانی خۆی و جه‌ختی كرده‌و كه ئه‌گه‌ر جارێكی دیكه ئه‌مجۆره چه‌كه به‌كار به‌هێنێت، ئه‌وا نیشانه‌ی نادانیی ئه‌م حكومه‌ته‌یه.
ماتیس وتیشی كه هێزه‌كانی حكومه‌تی سووریا هێرشی چڕ ده‌كه‌نه سه‌ر غوته‌ی رۆژهه‌ڵات و خه‌ڵكی سڤیلیش به هۆی ئه‌و هێرشانه ده‌بنه قوربانیی، جیا له‌مانه سوپای ئه‌م وڵاته هێرش ده‌كاته سه‌ر نه‌خۆشخانه‌كانیش.
ماتیس وتیشی كه حكومه‌تی ئه‌مریكا پێشتر هه‌ڵوێستی خۆی له‌باره‌ی ئه‌مكاره‌ی حكومه‌تی سووریا راگه‌یاندووه و دووباره كردنه‌وه‌ی ئه‌مجۆره هێرشه نیشانه‌یه‌كه له نادانیی حكومه‌تی ئه‌م وڵاته.
سه‌رچاوه / رادیۆ فه‌ردا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.