له دوای بڵاوبوونه‌وه‌ی گرته‌یه‌كی ڤیدیۆیی له تۆره كۆمه‌ڵایه‌تییه‌كانی فه‌یسبووك و ئینستگرام كه تیایدا فه‌رهاد پیرباڵ عه‌گالی سه‌ری هاوڵاتییه‌كی عه‌ره‌ب له‌ناو شاری هه‌ولێر و به به‌رچاوی خه‌ڵكه‌وه دێنێته خواره‌وه، به‌رامبه‌ر ئه‌م ره‌فتاره‌شی داواكاری گشتی هه‌ولێر بریاری ده‌ستگیر كردن بۆ ناوبراو ده‌ركرد .
له‌م باره‌یه‌وه لیوای مافپه‌روه‌ر عه‌بدولخالق ته‌ڵعه‌ت به ماڵپه‌ری ده‌زگای سه‌ته‌لایتی كوردستانی راگه‌یاند: ئه‌مرۆ یه‌كشه‌ممه به بریاری داواكاری گشتی فه‌رهاد پیرباڵ ده‌ستگیر كراو ره‌وانه‌ی گرتووخانه‌ی هه‌ولێر كرا.
راشیگه‌یاند: به پێی مادده‌ی (226) له یاسای سزادانی عێراقی فه‌رهاد پیرباڵ له گرتووخانه‌ی هه‌ولێر راگیراوه تا كاتی دادگایی كردنی .
کۆمێنت (0)
تا ئێستا هیچ کۆمێنتێک نەکراوە.