سه‌فین دزه‌یی، وته‌بێژی حكومه‌تی هه‌رێمی كوردستان به ده‌زگاكانی راگه‌یاندنی راگه‌یاند: به‌رێز عه‌بادی باسی له‌وه‌كردووه كه به‌ر له هاتنی جه‌ژنی نه‌ورۆز بره پاره‌یه‌ك ده‌نێرێ، به‌ڵام چه‌ند ده‌نێرێ و بۆ چ وه‌زاره‌تێك ده‌بێت، ئه‌وه مه‌علوم نییه.
هه‌روه‌ها گوتی: به پێی ئه‌و داهاته‌ی دێته به‌رده‌ستمان حكومه‌تی هه‌رێمی كوردستان له دابه‌شكردنی مووچه به‌رده‌وام ده‌بێت.
گوتیشی: له هه‌فته‌ی رابردوو به‌ته‌له‌فۆن گفتوگۆیه‌كی جددی له نێوان سه‌رۆك وه‌زیرانی هه‌رێمی كوردستان و سه‌رۆك وه‌زیرانی عێراق هه‌بووه‌و كۆمه‌ڵێك بابه‌ت گفتوگۆی له‌سه‌ركراوه به‌تایبه‌تی بابه‌تی كردنه‌وه‌ی فرۆكه‌خانه‌كان، له رووی مه‌بده‌ئییه‌وه لێك نزیك بووونه‌وه‌یه‌ك هه‌یه.
راشیگه‌یاند: ئه‌و وتانه‌ی حه‌یده‌ر عه‌بادی كه له‌میانه‌ی پرێس كۆنفرانسی هه‌فتانه‌ی خۆیدا كردی ره‌نگدانه‌وه‌ی ئه‌و په‌یوه‌ندیییه ته‌له‌فۆنییه‌ی نێوان هه‌ردوولا بووه.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.