پاڵه‌وانێتی ماسته‌ر كڵه‌پ له شاری كه‌ره‌جی وڵاتی ئێران بەڕێوەچوو ، دوایی یاریه‌كانی ئاسته جیاوازه‌كان له ڕكابه‌رییه‌كانی كاتا و كۆمیته یاریزانانی پێشمه‌رگه كه نوێنه‌رایه‌تی هه‌ڵبژارده‌ی عێراق ده‌كه‌ن توانیان چه‌ندین ئه‌نجامی به‌رچاو به‌ده‌ست بهێنن .
له ئه‌نجامی یاریه‌كانی یاریزانانی پاڵه‌وانی پێشمه‌رگه و له یاری كاتا بۆ ته‌مه‌نی 16 و 17 ساڵ هه‌ڵۆ غه‌ریب یاریزانی یانه‌ی پێشمه‌رگه توانی میدالیایی ئاڵتون به‌ده‌ست بهێنێت .
له یاری كاتا و بۆ ته‌مه‌ن 13 ساڵ میر قادری یاریزان پله‌ی سێهه‌می به‌ده‌ست هێنا و میدالیایی برۆنزی له مل كرا .
كارۆ كاوه‌ش به پله‌ی سێهه‌م هات و به هه‌مان شێوه میدالیایی برۆنزی له مل كرا بۆ یاریه‌كانی كاتای ته‌مه‌ن 13 ساڵ .
له كاتایی تیم بۆ خوا ته‌مه‌ن 21 ساڵ یاریزانانی پێشمه‌رگه توانیان پله‌ی سێهه‌م به‌ده‌ست بهێنن و له كاتایی تیم بۆ ئاستی پێشكه‌وتوان ، یاریزانانی پێشمه‌رگه پله‌ی دووه‌میان مسۆگه‌ر كرد .
له كێشی -61 كغم بۆ یاریه‌كان ڕێوان مه‌ولود له ته‌مه‌نی 16-17 ساڵ پله‌ی یه‌كه‌می به‌ده‌ست هێنا و میدالیایی ئاڵتونی پێشكه‌ش كرا .
له كێشی -52 كغم نه‌شوان تاهیر توانی پله‌ی دووه‌م به‌ده‌ست بهێنێت له ته‌مه‌نه‌كانی 14 و 15 ساڵدا
کۆمێنت (0)
تا ئێستا هیچ کۆمێنتێک نەکراوە.