به بۆنه‌ی هاتنی وه‌رزی به‌هار و جه‌ژنی نه‌ورۆز خانمه هونه‌رمه‌ندی كورد " سیریل فه‌تاح " تازه‌ترین ڤیدیۆ كلیپی خۆی كه به شێوه‌ی " گه‌ڕیان" ه بڵاوده‌كاته‌وه .
سیریل ئاشكرایده‌كات گۆرانییه نوێكه‌ی فۆلكلۆره و " نه‌به‌رد جوانمێری " هاوسه‌ری كاری میوزیكی بۆ ئه‌نجام داوه و بریاره له نه‌ورۆزدا به شێوه‌ی ڤیدیۆ كلیپ بڵاویبكاته‌وه .
سیریل فه‌تاح مانگی رابردوو ڤیدیۆ كلیپێكی دیكه‌ی زۆر جیاواز كه ماوه‌كه‌ی 26 خوله‌ك بوو بڵاوكرده‌وه ، له ئێستادا جگه له‌م گۆرانییه تازه‌یه ناوبراو به تۆماركردنی چه‌ند گۆرانییه‌كی دیكه سه‌رقاڵه و له داهاتوودا بڵاویان ده‌كاته‌وه .
ئه‌و گۆرانیبێژه خه‌ڵكی شاری سلێمانییه ، 20 ساڵ زیاتره له ئه‌ورووپا ژیان به‌سه‌ر ده‌بات و ژماره‌یه ڤیدیۆ كلیپ و ئه‌لبوومی گۆرانی بڵاوكردووه‌ته‌وه .
کۆمێنت (0)
تا ئێستا هیچ کۆمێنتێک نەکراوە.